𑢸𑢣𑢲𑢡𑢹𑢩 𑢷𑢻𑢡

𑢶𑣅𑣕𑣈 𑣞𑣃𑣕𑣂𑣓 𑣋𑣂𑣞𑣂𑣜 𑣙𑣉𑣅𑣉 𑣎𑣂𑣆𑣜𑣈 𑣌𑣉𑣜𑣀𑣈𑣓, 𑣞𑣈𑣕𑣄 𑣞𑣂𑣀𑣋𑣂 𑣋𑣂𑣞𑣂𑣑 𑣙𑣉𑣅𑣉 𑣘𑣃𑣒𑣁𑣉 𑣗𑣛𑣁 𑣖𑣃𑣕𑣃𑣑 𑣞𑣉𑣟𑣓 𑣋𑣈𑣎𑣈𑣜𑣁 𑣞𑣓𑢭 𑣘𑣃𑣒𑣁𑣉 𑣗𑣛𑣁 𑣖𑣃𑣕𑣃𑣑 𑣞𑣉𑣟𑣁𑣓𑣕𑣈 𑣖𑣅𑣕𑣈 𑣞𑣃𑣕𑣂𑣓 𑣋𑣂𑣞𑣂𑣜 𑣙𑣉𑣅𑣉 𑣎𑣂𑣆𑣜𑣈 𑣌𑣉𑣜𑣀𑣈𑣓 ! 𑣡 ! 𑢸𑣋𑣃𑣓 𑣏𑣀𑣑𑣃𑣄 𑣕𑣉𑣟𑣁𑣇 𑣜𑣁𑣄𑣈 𑣗𑣃𑣜𑣃 𑣋𑣈𑣓𑣁 𑣋𑣈𑣓𑣁 𑣆𑣌𑣂𑣜 𑣎𑣂𑣗𑣉𑣓 𑣔𑣉𑣜𑣈𑣅𑣁𑣜𑣈 𑣉𑣅𑣁𑣜 𑣆𑣓𑣃𑣀𑣁 𑣖𑣅𑣕𑣈 𑣞𑣃𑣕𑣂𑣓 𑣋𑣂𑣞𑣂𑣜 𑣙𑣉𑣅𑣉 𑣎𑣂𑣆𑣜𑣈 𑣌𑣉𑣜𑣀𑣈𑣓 ! 𑣢 ! 𑢡𑣜𑣄 𑣞𑣞𑣊 𑣘𑣃𑣀𑣑𑣂 𑣎𑣃𑣀𑣋𑣃𑣑 𑣗𑣜𑣉 𑣗𑣉𑣜𑣉𑣓 𑣗𑣛𑣁 𑣗𑣋𑣁𑣓 𑣖𑣉𑣀𑣔𑣉𑣚 𑣖𑣉𑣀𑣔𑣉𑣚 𑣞𑣉𑣟𑣁𑣓 𑣞𑣜𑣂 𑣗𑣛𑣁 𑣗𑣋𑣁𑣓 𑣌𑣃𑣒𑣂𑣕𑣈 𑣉𑣌𑣉𑣓 𑣗𑣛𑣁 𑣞𑣉𑣟𑣁𑣓 𑣞𑣜𑣂 𑣓𑣂𑣖𑣂𑣓 𑣖𑣂𑣕𑣃𑣑 𑣔𑣉 𑣖𑣅𑣕𑣈 𑣞𑣃𑣕𑣂𑣓 𑣋𑣂𑣞𑣂𑣜 𑣙𑣉𑣅𑣉 𑣎𑣂𑣆𑣜𑣈 𑣌𑣉𑣜𑣀𑣈𑣓 ! 𑣣 ! 𑢶𑣉𑣓 𑣔𑣉 𑣞𑣜𑣂 𑣏𑣂𑣌𑣁𑣅𑣁𑣓𑣁 𑣘𑣃𑣒𑣁𑣉 𑣗𑣛𑣁 𑣞𑣉𑣟𑣁𑣓𑣕𑣈 𑣏𑣂𑣖𑣂𑣓 𑣖𑣜𑣀 𑣗𑣛𑣁 𑣗𑣋𑣁𑣓 𑣞𑣎𑣁𑣟𑣁𑣌𑣓𑣁 𑣘𑣃𑣒𑣁𑣉 𑣗𑣛𑣁𑣕𑣈 𑣞𑣈𑣕𑣄 𑣞𑣂𑣀𑣋𑣂 𑣙𑣉𑣅𑣉𑣕𑣈 𑣗𑣛𑣁 𑣚𑣀𑣔𑣁𑣈 𑣋𑣈𑣜𑣈𑣖𑣈𑣞𑣈 𑣖𑣅𑣕𑣈 𑣞𑣃𑣕𑣂𑣓 𑣋𑣂𑣞𑣂𑣜 𑣙𑣉𑣅𑣉 𑣎𑣂𑣆𑣜𑣈 𑣌𑣉𑣜𑣀𑣈𑣓 ! 𑣤 ! 𑢷𑣛𑣁 𑣞𑣉𑣟𑣁𑣓 𑣖𑣉𑣀𑣔𑣉𑣚 𑣖𑣉𑣀𑣔𑣉𑣚 𑣖𑣉𑣓𑣔𑣉 𑣘𑣋𑣁𑣚𑣁𑣅𑣓 𑣉𑣌𑣉𑣓 𑣋𑣎𑣁𑣛𑣁 𑣜𑣈𑣖𑣁 𑣞𑣜𑣂 𑣋𑣉𑣒𑢭 𑣘𑣀𑣍𑣁𑣖𑣈 𑣓𑣂𑣖𑣂𑣓 𑣞𑣃𑣓𑣔𑣉𑣜 𑣗𑣛𑣁 𑣙𑣚𑣕𑣈 𑣞𑣜𑣔𑣂 𑣎𑣈𑣒𑣈𑣜𑣈𑣖𑣁 𑣖𑣅𑣕𑣈 𑣞𑣃𑣕𑣂𑣓 𑣋𑣂𑣞𑣂𑣜 𑣙𑣉𑣅𑣉 𑣎𑣂𑣆𑣜𑣈 𑣌𑣉𑣜𑣀𑣈𑣓 ! 𑣥 ! 𑢫𑣜𑣈𑣜𑣈𑣖𑣈𑣞𑣈 𑢶 𑣚𑣀𑣔𑣁𑣈 𑣗𑣛𑣁 𑣏𑣈𑣜𑣈𑣗 𑣏𑣈𑣜𑣈𑣗 𑣞𑣓𑣁𑢭 𑢶𑣉𑣓𑣔𑣉 𑣏𑣂𑣚𑣂𑣌𑣁𑣅𑣁𑣓𑣁 𑣞𑣜𑣂 𑣘𑣃𑣒𑣁𑣉 𑣗𑣛𑣁 𑣓𑣈𑣚𑣕𑣈 𑣖𑣅𑣕𑣈 𑣞𑣃𑣕𑣂𑣓 𑣋𑣂𑣞𑣂𑣜 𑣙𑣉𑣅𑣉 𑣎𑣂𑣆𑣜𑣈 𑣌𑣉𑣜𑣀𑣈𑣓 ! 𑣦 ! 𑢩𑣕𑣉𑣚𑣚 : 𑢩𑣎𑣉𑣅 𑢬𑣃𑣖𑣜 𑢬𑣚𑣃𑣓𑣑𑣂𑣁 𑢹𑣕𑣃 : 𑢬𑣙𑣈𑣛𑣂𑣁𑣑𑣃𑣊𑣋𑣃𑣜𑣂 𑢶𑣉𑣅𑣃𑣜𑣗𑣙𑣉𑣓𑣎 Source : Samaj Arsi Magazine, Rairangpur Autonomous College, Odisha